काठमाडौं । छोटो समयमै निकै लोकप्रिय बनेको कोरोना बीमा स्थगित भएको छ ।कोरोना संक्रमितको संख्या बढ्दै गएपछि बीमक संघले दायित्व वहन गर्न गाह्रो हुने भन्दै बीमा समितिले कोरोना बीमा रोक्न निर्जीवन बीमा कम्पनीहरुलाई निर्देशन दिएको छ ।
बिहीबार बीमा समिति र नेपाल बीमक संघबीच भएको छलफल पछि हालको लागि कोरोना बीमा रोक्न समितिले निर्देशन दिएको हो ।
बीमा समितिको निर्देशनसँगै अब आज (जेठ २३ गते)देखि कोरोना बीमा औपचारिक रुपमा बन्द भएको हुनेछ ।
सरकारले आगामी आर्थिक वर्षको बजेट मार्फत सरकारी कर्मचारीहरुको निशुल्क कोरोना बीमा गर्ने र सामूहिक बीमा गर्दा लाग्ने बीमाशुल्कमा ५० प्रतिशत अनुदान व्यवस्था गरेको छ ।
त्यसले गर्दा दोहोरो बीमा हुने संभावना भएकोल र हाल सम्म बिक्री भएको बीमाको दायित्व अधिक भएकाले पुनर्बीमा समेत गर्नुपर्ने भएपछि तत्कालको लागि कोरोना बीमा स्थगित गरेको समितिले जनाएको छ ।
हालसम्म सहभागी भएका बीमितहरुको जोखिम सुरक्षण भने कायम रहने समितिले जनाएको छ ।
