काठमाडौं । एभरेष्ट बैंक कर्मचारी परिवार ओखलढुंगाद्धारा सुनकोशी गाउँपालिकास्थित अति विपन्न, असहाय, दैनिक ज्याला मजदूरी गर्ने व्यक्ति र परिवारलाई खाद्यान्न सामग्री सहयोग गरेको छ ।
बैंकले सुनकोशी गाउँपालिकाको सहकार्यमा विपन्न परिवारलाई चामल, तेल, नुन, दाल लगायतका खाद्यान्न सामग्री तथा हात धुने साबुन वितरण गरेको हो ।
एभरेष्ट बैंक लि. ओखलढुंगा शाखाका शाखा प्रबन्धक हिमाल भट्टराईले सुनकोशी गाउँपालिका वडा नं. १० का वडाध्यक्ष तुलाराम पराजुलीलाई उक्त राहत सामग्री हस्तान्तरण गरेका हुन ।
वितरण गरेको खाद्यान्न सामग्रीबाट लकडाउनले गर्दा दैनिक छाक टार्न गाह्रो भएका परिवारलाई केही भएपनि राहत मिल्ने विश्वास एभरेष्ट बैंक कर्मचारी परिवारले लिएको छ ।
बैंकले आफ्नो संस्थागत सामाजिक उत्तरदायित्व अन्तर्गत सातै प्रदेश सरकारलाई ६ लाखका दरले ४२ लाख रुपैयाँ र केन्द्रीय सरकारलाई ६० लाख गरी कुल १ करोड २ लाख रुपैयाँ सहयोग गरेको छ ।
