काठमाडौं । निजी क्षेत्रको वायुसेवा प्रदायक कम्पनी श्री एयरलाइन्स स्वास्थ्य सामग्री लिन सिंगापुर गएको छ । स्वास्थ्य मन्त्रालय र टेमासेक फाउन्डेसनको स्वास्थ्य सामाग्री लिन आज बिहान सिंगापुर प्रस्थान गरेको हो ।
एयरलाइन्सको जेट विमान ९ एन एएमबी सीआरजे ७०० ले सिंगापुरबाट अत्यावश्यक औषधि ल्याउने छ । श्रीले सिंगापुर सीधा उडान गर्नेछ भने आजै साँझसम्म औषधि लिएर स्वदेश फर्कने बताइएको छ ।
कम्पनीले कम्पनीको सामाजिक उत्तरदायित्वअन्तर्गत चार्टर गरिएको विमानको शुल्क सरकारसँग नलिने जनाएको छ । विमानले करिब ५०० किलो औषधि लिएर आउने जनाइएको छ । श्रीले यसअघि सुडानमा चार्टर्ड उडान गरेको थियो ।
