काठमाडौं । थप स्वास्थ्य सामग्री लिन नेपाल वायु सेवा निगम (नेपाल एयरलाइन्स) का दुई जहाजले आज चीन उडान गर्ने भएका छन् ।
एयरलाइन्सले काठमाडौंबाट चीनको ग्वाङजाउसम्म कार्गो उडान गर्ने भएको छ। एयरलाइन्सका अनुसार एउटा जहाज बेलुका पौने सात बजेतिर उड्ने र अर्को जहाज पनि लगत्तै उड्ने छ । एयरबस ए ३३० जहाजले उक्त कार्गो उडान गर्ने छन्।
मेडिकल सामग्री ल्याउनका लागि निजी क्षेत्रले जहाज बुकिङ गरेकोको बताइएको छ । आज चीन गएका जहाज भोलि बिहानसम्म काठमाडौं आइपुग्ने छन्।
यस अघि पनि निगकले पटक पटक चीनबाट स्वास्थ्य सामग्री ल्याइसकेको छ ।
