काठमाडौं । माछापुच्छ्रे बैंकले विश्वव्यापी महामारीको रुपमा फैलिएको कोरोना भाइरसको संक्रमण रोक्न १ करोड ६ लाख रुपैयाँ बराबरको सहयोगको घोषणा गरेको छ ।
बैंकले कोरोना रोकथाम तथा उपचार र आवश्यक तयारीका लागि केन्द्रीय सरकार अन्तर्गतको कोरोना भाइरस संक्रमण रोकथाम, नियन्त्रण तथा उपचार कोषलाई ५१ करोड उपलब्ध गराउने घोषणा गरेको छ ।
यस्तै सात वटै प्रदेश सरकारलाई ५/५ लाखका दरले कुुल ३५ लाख रुपैयाँ रकम सहयोग हस्तान्तरण गरिसकेको छ । बैंकले बिहीबार सातै प्रदेश सरकारका मुख्यमन्त्रीहरुलाई सो रकमको चेक हस्तान्तरण गरेको हो ।
यसअघि बैंकले आमनागरिकको स्वास्थ्यलाई ध्यानमा राख्दै काठमाण्डौं महानगरीय प्रहरी कार्यालयको समन्वयमा काठमाडौं र भक्तपुरका भीडभाड हुने प्रमुख १६ स्थानहरुमा पानी ट्यांकी सहित हातधुने ठाउँको व्यवस्था गरेको थियो ।
साथै, स्थानीय निकायहरुको समन्वयमा बैंकले दैनिक ज्याला मजदूुरी गरेर छाक टार्दै आएका अतिविपन्न परिवारलाइ खाद्यान्न उपलब्ध गराएको हो । उक्त कार्यहरुमा बैंकले २० लाख खर्च भएको जनाएको छ ।
बैंकले कोरोना विरुद्ध देशभरका अभियानलाई सघाउन संस्थागत सामाजिक उत्तरदायित्व निर्वाह गर्दै १ करोड ६ लाख सहयोग गरेको हो ।
