काठमाडौं। अन्तत राष्ट्र बैंकले कारोना भाइरसले अर्थतन्त्रमा पारेको प्रभाव न्युनिकरण गर्न सहुलियत घोषणा गरेको छ । राष्ट्र बैंकले चैतमा तिर्नुपर्ने कर्जाको सावाँ र व्याज असार मसान्तसम्म तिरे हुने व्यवस्था गरेको हो ।
कोरोना भाइरसको संक्रमण विश्वव्यापी रुपमा फैलिएसँगै अर्थतन्त्रमा ठूलो क्षति पुग्ने आंकलन गरिदैं आएको छ । यद्यपी कोरोनाको प्रभाव कहिलेसम्म चल्ने हो त्यसको कुनै टुङ्गो नलागेको कारण क्षतिको मुल्याङ्कन तत्काल गर्न भने संभव छैन ।
यदि कसैले चैत महिनामा नै तिर्न चाहे भने व्याजमा १० प्रतिशत छुट पाउने राष्ट्र बैंकले जनाएको छ ।
यसैगरी राष्ट्र बैंकले कोरोना प्रभावित क्षेत्रहरुको पहिचान गरी ती क्षेत्रहरुका लागि विशेष प्याकेज ल्याउन सक्ने पनि बताएको छ ।
