काठमाडौं । नेपाल बैंकर्स संघले लकडाउनको समयमा पनि बैंकका शाखा र एटीएम सेवालाई सुचारु राख्ने निर्णय गरेको छ । अर्थमन्त्रालय र नेपाल राष्ट्र बैंकसँगको छलफलपछि बैंकर्स सघंले आंशिक बैंकिङ सेवा प्रवाह गर्ने निर्णय गरेको हो ।
संघले सबै बैंकका एटीएम बुथलाई साविकको सरह खुल्ला राख्दै निश्चित शाखाहरु पनि सञ्चालन गर्ने निर्णय गरेको हो ।यसका लागि सबै एटीएम बुथहरुमा नगद लोड गर्ने व्यवस्थाका लागि सबै बैंकलाई आग्रह गरिसकिएको संघले जनाएको छ ।
यस्तै संघले सबै वाणिज्य बैंकले कम्तीमा एउटा स्थानीय तहमा एउटा शाखा सञ्चालन गर्ने निर्णय गरेको छ ।
