काठमाडौं । अब जुनसुकै बैंकको एटीएमबाट पैसा निकाल्दा शुल्क नलाग्ने भएको छ । कोरोना भाइरसको संक्रमणको जोखिम बढ्दै गएपछि बैंकका शाखाहरुमा भीडभाड कम गर्न र विद्युतीय कारोबारलाइए प्रोत्साहन गनै भन्दै बैंकिङ क्षेत्रका ३ ओटा संस्थाले कुनै पनि शुल्क नलिने निर्णय गरेका हुन् ।
नेपाल बैंकर्स संघ, डेभलपमेन्ट बैंकर्स एसोसिएन अफ नेपाल र नेपाल वित्तीय संस्था संघले शुक्रबार संयुक्त रुपमा विज्ञप्ति जारी गर्दै कुनै पनि बैैंकको एटीएम कार्ड प्रयोग गरेर जुनसुुकै बैंकको एटीएमबाट पैसा निकाल्दा शुल्न नलाग्ने जनाएका हुन् ।
‘इन्टरनेट तथा मोबाइल लगायत विभिन्न माध्यमबाट गरिने विद्युतीय कारोबारमा शुल्न नलाग्ने र कुनै बैंक तथा वित्तीय संस्थाको कार्ड नेपालभित्र अन्य कुनै पनि बैंक तथा वित्तीय संस्थाको एटीएम प्रयोग गर्दा कुनै शुल्क लाग्ने छैन’ जारी विज्ञप्तिमा उल्लेख गरिएको छ ।
साथै नेपाल क्लिएरिङ हाउसले प्रदान गर्ने कनेक्ट आइपीएस सेवामा पनि कुनै शुल्क नलाग्ने बताइएको छ ।
