काठमाडौं । प्रभु बैंकले आफ्नो सेवा विस्तार गर्ने क्रममा धनुषाको जनकपुर उपमहानगरपालिका-४, स्थित जिल्ला प्रशासन कार्यालयमा एक्स्टेन्सन काउण्टर सञ्चालनमा ल्याएको छ ।
उक्त एक्स्टेन्सन काउण्टरको शुक्रबार धनुषाका प्रमुख जिल्ला अधिकृत प्रदिपराज कडेँलले एक समारोहकाबीच समुद्घाट्न गरे ।
नेपाल राष्ट्र बैंक तथा अन्य सम्बन्धित निकायसँग समन्वय गरी विभिन्न सरकारी निकायहरुको बैंकिङ कारोबार प्रभावकारी रुपमा सञ्चालन गरिरहेको बैंकले धनुषा जिल्ला प्रशासनमा पनि आफ्नो सेवा विस्तार गरेको हो ।
उक्त एक्स्टेन्सन काउण्टरबाट सम्बन्धित जिल्ला प्रशासन कार्यालयमा आउने सेवाग्राहीलाई रकम जम्मा गर्न, जिल्ला प्रशासन कार्यलयको काम गर्न सहज र सरल हुने भएको छ । यस काउण्टरबाट प्रवाह गरिने सेवाबाट स्थानीयबासी तथा सेवाग्राही लाभान्वित हुने बैंकको विश्वास छ ।
बैंकले हाल देशभरका २०८ शाखा कार्यालय, १५८ एटीएम, ४६ एक्स्टेन्सन काउण्टर तथा १७ वटा शाखारहित बैंकिङ सेवामार्फत बैंकिङ सेवा प्रदान गर्दै आएको छ ।
