काठमाडौं । निरन्तर उकालो लागेको सुनको भाउ अघिल्लो दिनका तुलनामा शुक्रबार अनपेक्षित रुपमा ३ हजारले घटेको छ ।
बिहीबार ८१ हजार ५०० मा कारोवार भएको प्रतितोला छापावाल सुन आज ७८ हजार ५०० मा झरेको सुनचाँदी व्यवसायी महासंघले बताएको छ ।
अन्तर्राष्ट्रिय बजारमा भइरहेको उतारचढावको प्रभाव नेपाली बजारमा पनि परेकाले मूल्य तलमाथि भइरहेको महासंघले जनाएको छ ।
महासंघका अनुसार गत मंगलबार तोलाका ८२ हजार ७०० रुपैयाँमा कारोबार भएकोे सुनको मूल्यमा बुधबार २०० रुपैयाँले कमी आएको थियो भने बिहीबार ८०० रुपैयाँले घटेको थियो ।
चाँदीको मूल्यमा पनि तोलामा ४० रुपैयाँले गिरावट आएको छ । आज असली चाँदीको मूल्य प्रतितोला ८२० कायम भएको छ ।
