काठमाडौं । एनआईसी एशिया बैंकले ग्राहकका लागि रेमिट्यान्स सेवामा अफर ल्याएको छ।
एनआईसी एशिया रेमिटमार्फत नेपालभर निःशुल्क रेमिट्यान्स पठाउन सकिने सुविधा सञ्चालनमा ल्याएको छ ।
यो योजना अन्तर्गत ग्राहकले एनआईसी एशिया बैंकका देशभर फैलिएका सम्पूर्ण शाखा र विस्तारित काउण्टरबाट नेपालभरी एक ठाउँबाट अर्को ठाउँमा सित्तैमा रकम पठाउन सकिनेछ ।
यो योजना अनुसार २०७६ फागुन १८ देखि २०७७ वैशाख १७ गतेसम्म देशभित्र रकम पठाउँदा कुनै पनि शुल्क नलाग्ने व्यवस्था बैंकले गरेको छ ।
बैंकले हाल देशभरका ३१९ शाखा, १०७ विस्तारित काउण्टर, ५६ वटा शाखारहित बैंकिङ एकाइकमर्फत बैंकिङ सेवा दिँदै आएको छ ।
