डिशहोमले ग्राहकहरुलाई अझै बढि सेवा र सुविधा प्रदान गर्ने उद्देश्यले ‘डिशहोममा डिलर दाईको डिस्काउन्ट’ नामक अफर ल्याएको छ । जस अनुसार डिशहोमका डिलरहरु मार्फत फण्डट्रान्सफर बाट बार्षिक रिचार्ज गरे बापत एडअन प्याकेज सहित साप्ताहिक लक्कीड्रमा भाग लिने अवसर प्राप्त हुनेछ र हप्तामा २ जना भाग्यशाली ग्राहकहरुले प्रतिव्यक्ति एक लाख नगद उपहार जित्नु सक्नेछन् ।
साप्ताहिक लक्कीड्र कार्यक्रम २०७६ माघ २७ गते देखि बाट बार्षिक रिचार्ज गर्ने ग्राहकहरुको लागी मात्र लागु हुनेछ । साप्ताहिक लक्कीड्र २०७६ फागुन २ गतेबाट डिशहोमको शोकेस च्यानल नम्बर १०० मा प्रत्येक शुक्रबार बेलुकी ५ बजे प्रत्यक्ष प्रसारण गरिनेछ ।
प्रत्येक हप्ताको शुक्रबार देखि बिहिबार सम्म बार्षिक रिचार्ज गर्ने ग्राहकहरुलाई आउने शुक्रबारकाे लक्कीड्रमा समावेश गरिनेछ । फण्डट्रान्सफरबाट बार्षिक रिचार्ज गर्ने ग्राहकहरुलाई मात्र साप्ताहिक लक्कीड्रमा समावेश गरिने छ । समावेश भएका ग्राहकहरुको डिश होम सेट–टप बक्सको कास आईडी को आधारमा विजेताको नाम घोषणा गरिने छ ।
बिजेताको घोषणा डिजिटल प्रणालीबाट गरिने छ । कम्पनीका अनुसार नेपाल भरि रहेका जुनसुकै डिशहोमका डिलरहरु मार्फत ग्राहकहरुले फण्डट्रान्सफरबाट बार्षिक रिचार्ज गरि यो योजनामा सहभागिता जनाउन सकिनेछ ।
