काठमाडौं । नेपाली बजारमा सुनको मूल्यले नयाँ रेकर्ड बनाएको छ । पछिल्लो समय लगातार आकाशिँदै गएको सुनको मूल्यले आज फेरि नयाँ कीर्तिमान बनाएको हो ।
नेपाल सुनचाँदी व्यवसायी महासंघका अनुसार मंगलबार छापावाल सुनको भाउ प्रतितोला ४ हजार रुपैयाँले बढेर १ लाख ७४ हजार ५०० रुपैयाँ पुगेको छ ।
यो नेपाली बजारमा अहिलेसम्मकै महँगो हो । यसअघि फागुन १३ गते सबैभन्दा धरै प्रतितोला १ लाख ७१ हजार ३०० रुपैयाँ पुगेको थियो।
अन्तर्राष्ट्रिय बजारमा सुनको भाउ बढेसँगै नेपाली बजारमा पनि आकाशिएको हो । पछिल्लो समय अमेरिकाले कर्पोरेट वार सुरु गरेपछि विश्वभरका लगानीकर्ता सुनमा आकर्षित हुँदा मूल्य लगातार बढिरहेको हो ।
अन्तरराष्ट्रिय बजारमा आज सुनको मूल्य प्रतिऔंस २ हजार ९८२ अमेरिकी डलर हाराहारीमा कारोबार भइरहेको छ ।
यस्तै, आज चाँदीको मूल्य प्रतितोला ५० रुपैयाँ बढेर २०५० रुपैयाँमा कारोबार भइरहेको छ ।
