काठमाडौं । अब बैंक तथा वित्तीय संस्थाले कृषि तथा ऊर्जा क्षेत्रमा प्रवाहित कर्जालाई एक आपसमा खरिदबिक्री गर्दा लेनदेनको अभिलेख अनिवार्य राख्नुपर्ने भएको छ ।
नेपाल राष्ट्र बैंकले एकीकृत निर्देशन संशोधन गर्दै त्यस्तो कर्जा खरिदबिक्री गर्दा सो कर्जा बराबरको रकम अनिवार्य रुपमा लेनदेन गरी खरिदकर्ता बैंक तथा वित्तीय संस्थाको हिसाबमा अभिलेख जनाउनुपर्नेछ व्यवस्था गरेको हो ।
यस्तै, उक्त खरिद गरिएको कर्जा खरिद गर्ने बैंक तथा वित्तीय संस्थाले मात्र तोकिएको क्षेत्रमा प्रवाहित कर्जाको रुपमा गणना गर्न पाउने व्यवस्था गरिएको छ ।
