काठमाडौं । क्यूएफएक्स चेन अन्तर्गतका सिनेमा हलमा २.५ फिटभन्दा साना बालबच्चाले लैजान नपाइने भएको छ ।
देशकै सबैभन्दा धेरै हल भएको क्यूएफएक्सले बुधबार सूचना जारी गर्दै २.५ फिटभन्दा साना बालबच्चा हलमा लैजान निषेध गरिएको जानकारी गराएको हो ।
‘२.५ फिटभन्दा मुनिको बालबालिकालाई सिनेमाघर भित्र प्रवेश निषेध गरिएको छ,’ क्यूएफएक्सले भनेको छ ।
२.५ फिटभन्दा अग्ला उचाइ भएका बालबालिकादेखि वृद्धसम्मका दर्शकलाई भने तोकिएको टिकट दर लागू हुने क्यूएफएक्सले जनाएको छ ।
