काठमाडौं । सूनको मूल्यमा गिरावट आएको छ । नेपाल सुनचाँदी महासंघका अनुसार मंगलबार छापावाल सुनको मूल्य प्रतितोला २ हजार ६०० रुपैयाँले घटेर १ लाख ४८ हजार ७०० रुपैयाँमा झरेको हो ।
सोमबार एकैदिन सुनको मूल्य प्रतितोला १५ हजार ९०० रुपैयाँ घटेर १ लाख ५१ हजार ३०० रुपैयाँमा कारोबार भएको थियो ।
सरकारले सुनको भन्सार दर २० प्रतिशतबाट १० प्रतिशतमा झारेसँगै सोमबार मूल्यमा उच्च गिरावट आएको थियो । आज भने अन्तर्राष्ट्रिय बजारमै सुनको मूल्य घटेकाले नेपालमा पनि घटेको हो ।
त्यस्तै, आज चाँदीको मूल्य पनि प्रतितोला २५ रुपैयाँले घटेर प्रतितोला १ हजार ८२० रुपैयाँमा कारोबार भइरहेको छ ।
