काठमाडौं । नेपाल लाइफ इन्स्योरेन्स कम्पनीले वागमतीप्रदेशको राजधानी हेटौंडामा ६० धुर जग्गा किनेको छ ।
कम्पनीले हेटौंडा उपमहानगरपालिका ४ स्थित दीपेन्द्र चन्द ठकुरी र सुरेन्द्र चन्द ठकुरीको नाममा रहेको भवनसहितको ६० धुर क्षेत्रफलको जग्गा किनेको हो ।
नेपाल बीमा प्राधिकरणको स्वीकृति लिई उक्त जग्गा तथा भवन १७ करोड ८९ लाख रुपयाँमा खरिद गरिएको कम्पनीले जनाएको छ । उक्त जग्गा किन्दा कम्पनीले रजिष्ट्रेशन शुल्क बापत ७९ लाख ५१ हजार ५०० रुपैयाँ तिरेको छ ।
उक्त भवन र जग्गा कम्पनीको व्यावसायिक एवम् कार्यालय प्रयोजनका लागि प्रयोग गरिने कम्पनीले जनाएको छ ।
