काठमाडौं । सेयर बजारमा झिनो गिरावट आएको छ । ५ दिनपछि मंगलबार खुलेको बजारमा नेप्से १ अंकभन्दा कमले घटेको हो । आज दिनभरमा नेप्सेमा २६ अंकको उतरचढाव आयाे।
आज नेप्से परिसूचक ०.२१ अंकले घटेर २६७७.४ बिन्दुमा आइपुगेको छ । आज ३०२ कम्पनीको ९७ लाख १३ हजार ७३० कित्ता सेयर किनबेच भएको छ ।
आज सूचकसँगै कारोबार रकममा पनि गिरावट भएको छ । अघिल्लो कारोबा दिनको डेढ अर्बले घटेर ४ अर्ब २० करोड रुपैयाँमा सीमित भएको छ ।
आज कारोबारमा आएका १३ वटा समूहमध्ये ७ समूहको परिसूचक बढेको छ भने ६ को घटेको छ । निर्जीवन बीमा समूहको परिसूचक सर्वाधिक १.०६ प्रतिशतले बढेको छ भने लगानी समूह ०.८१ प्रतिशतले घटेको छ ।
आज नेपाल फाइनान्सको सर्वाधिक २९ करोड ९० लाख रुपैयाँको सेयर किनबेच भएको छ । त्यस्तै, सानिमा जीआइसी इन्स्योरेन्सको १६ करोड रुपैयाँ बढीको कारोबार भएको छ ।
आज कारोबारमा आएका मध्ये ११३ कम्पनीको सेयर मूल्य बढेको छ भने १२४ कम्पनीको मूल्य घटेको छ ।
झिनो अंकले घटेको बजारमा आज सुपर माइ हाइड्रोपावरको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत बढेको छ ।
त्यस्तै, समाज लघुवित्तको ९.९५ प्रतिशत, गुराँस लघुवित्त, रसुवागढी हाइड्रोपावरको सेयर मूल्य ८.७५ प्रतिशतले बढेको छ ।
मिड सोलु हाइड्रोपावरको सेयर मूल्यमा भने नेगेटिभ सर्किट लागेको छ । यसका सेयरधनीले ठ्याक्कै १० प्रतिशत गुमाएका छन् ।
