काठमाडौं । नेपाली बजारमा सुनको मूल्य ह्वात्तै घटेको छ । पछिल्लो समय लगातार नयाँ रेकर्ड बनाउँदै आएको सुन आज भने तोलामै झण्डै ३ हजार रुपैयाँले घटेको हो ।
नेपाल सुनचाँदी व्यवसायी महासंघका अनुसार मंगलबार छापावाल सुनको भाउ प्रतितोला २८०० हजार रुपैयाँले घटेर १ लाख ६८ हजार २०० रुपैयाँमा झरेको छ ।
यसअघि कात्तिक १५ गते कीर्तिमानी १ लाख ७१ हजार रुपैयाँ पुगेको थियो ।
अन्तर्राष्ट्रिय बजारमा सुनको भाउ घटेसँगै नेपाली बजारमा पनि मूल्य घटेको हो । आज अन्तर्राष्ट्रिय बजारमा भने सुन प्रतिऔंस २ हजार ७५३ अमेरिकी डलरमा कारोबार भइरहेको छ ।
यस्तै, आज चाँदीको मूल्य पनि प्रतितोला ६० रुपैयाँ घढेर २ हजार ३० रुपैयाँमा कारोबार भइरहेको छ ।
