काठमाडौं । सिद्धार्थ बैंकले महिला उद्यमी लक्षित गर्दै महिला उद्यमशीलता विकासका लागि १५ लाख रुपैयाँसम्मको सहज कर्जा उपलब्ध गराउन ‘महिला उद्यमशील कर्जा’ योजना ल्याएको छ ।
योजनाअन्तर्गत कर्जाका लागि नेपाल राष्ट्र बैंकद्वारा प्रधान गराइने सहुलियतपूर्ण कर्जा अनुसार बैंकले आफ्नो आधार दरमा २ प्रतिशत प्रिमियम थप गरी ब्याज लिनेछ । यस्तै ६ प्रतिशत ब्याज अनुदान उपलब्ध गराउनेछ ।
यस कर्जा योजना अनुसार ९० प्रतिशतसम्म फाइनान्सिङ सुविधा (अधिकतम १५ लाख रुपैयाँसम्म), प्रशासनिक शुल्क, अग्रिम भुक्तानी शुल्क नलाग्ने र ५ कार्य दिनभित्रै कर्जा स्वीकृत हुने बैंकले जनाएको छ ।
महिला उद्यमशील कर्जा सुविधा साना महिला व्यवसायीको वित्तीय पहुँच बढाउन सहयोग पुर्याउने बैंकले जनाएको छ ।
