काठमाडौं । सिद्धार्थ बैंकले १७ औं वार्षिकोत्सवका अवसरमा आफ्ना ग्राहकको सुविधाको लागि विशेष छुट योजना ल्याएको छ।
१७ औं वार्षिकोत्सवलाई लक्षित गरी बैंकले पुस ९ देखि माघ १० गतेसम्म लागू हुने गरी छुट योजना ल्याएको हो। पुस ९ गते बैंकको वार्षिकोत्सव हो।
बैंकले दराजमा कार्ड मार्फत सामान खरिद गर्दा १५ प्रतिशतसम्म (अधिकतम ५ सय रुपैयाँसम्म) छुट दिने भएको छ । पहिलो दुई पटक ५ सय वा सोभन्दा बढी रकमको अनलाइन कारोबार गर्दा ५ सय रुपैयाँ क्यास ब्याक दिने भएको छ ।
यस्तै, पहिलो दुई पटक ५ सय वा सो भन्दा बढी रकमको मेसिन मार्फत् कारोबार गर्दा ३८२ क्यास ब्याक, एक महिनाभित्र कम्तिमा तीन पटक गरी कुल १५ हजार रुपैयाँको पस मेसिनमार्फत् कारोबार गर्दा १ हजार रुपैयाँ क्यास ब्याक दिने जनाएको छ । बैंकस्मार्ट मार्फत् पहिलो पटक अधिकतम ५ सय रुपैयाँको मोबाइल टप अप गर्दा २० प्रतिशत क्यास ब्याक दिने छ ।
बैंकले देशभर १७६ वटा शाखा (४ एक्स्टेन्सन् काउन्टर सहित), १०१ शाखारहित बैंकिङ्ग सेवा, १९५ एटिएम र १ हजार ६ सय भन्दा बढी पस मेसिन मार्फत् बैंकिङ सेवा प्रदान गर्दै आएको छ।
