काठमाडौं । बुद्ध एयरले काठमाडौं-वाराणसी साताको तीन उडान गर्ने भएको छ ।
उक्त रुटमा यसअघि साताको दुई उडान गर्दै आएको बुद्धले आजदेखि भारतको वाराणसी साताको तीन उडान गर्ने भएको हो ।
बुद्धले यसअघि साताको सोमबार र शुक्रबार उडान गर्दै आएकोमा अब बुधबार पनि उडान गर्ने भएके हो ।
काठमाडौंबाट वाराणसी सुरुआती एकतर्फी भाडा ११ हजार ३६० रुपैयाँ रहेको छ । उडान समय काठमाडौंबाट बिहान ७:१५ तथा वाराणसीबाट ८:३० रहेको बुद्ध एयरले जनाएको छ ।बुद्धको उडानबाट वाराणसी ५० मिनेटमा पुग्न सकिन्छ ।
