काठमाडौं । दशैंका लागि आगामी असोज १३ गतेदेखि सुकिला नोट साट्न पाइने भएको छ ।
नेपाल राष्ट्र बैंकले १३ असोजदेखि केन्द्रीय कार्यलय, प्रदेशस्थित कार्यालयका साथै अन्य बैंकहरूबाट समेत नोट साट्न सकिने जानकारी गराएको हो ।
यसपटक दशैंमा नयाँ नोटको सट्टा सुकिला नोट साट्ने व्यवस्था गरिएको राष्ट्र बैंकले जनाएको छ । राष्ट्र बैंकका अनुसार असोज १३ देखि सर्वसाधरणले आफूलाई पायक पर्ने ठाउँको बैंकबाट सुकिला नोट साट्न सक्नेछन् ।
सर्वसाधरणले १८ हजार ५०० रुपैयाँको एक बण्डल सुकिला नोट साट्न पाउने छन् । ५, १०, २०, ५० र १०० दरको एक सेटका दरले १८ हजार ५०० रुपैयाँ साट्न पाउने राष्ट्र बैंकले जनाएको छ ।
