काठमाडौं । माछापुच्छ्रे बैंकले चाडपर्वलाई लक्षित गर्दै कर्जा सुविधामा छुट दिने योजना ल्याएको छ ।
बैंकले तीज, दशैं, तिहार तथा छठ पर्वलाई लक्षित गर्दै बेसरेटमा ०.५ प्रतिशत प्रिमियमै घर कर्जा उपलब्ध गराउने भएको छ ।
यस्तै, सोही ग्राहक गाडी कर्जा लिन इच्छुक भएमा पनि बेसरेटमा ०.५ प्रतिशत प्रिमियमै कर्जा उपलब्ध गराउने बैंकले जनाएको छ । साथै उक्त कर्जा लिने ग्राहकले क्रेडिट कार्ड लिन चाहेमा विशेष छुट समेत पाउने छन् ।
त्यस्तै, बैंकले १ करोडसम्मको साना तथा मझौला कर्जाको लागि बेस रेटमा १ प्रतिशत प्रिमियम ब्याजदरमा उपलब्ध गराउनेछ । माथि उल्लेखित कर्जाहरुको सेवा शुल्कमा समेत विशेष सहुलियत प्रदान गरिने बैंकले जनाएको छ ।बैंकको बेसरेट ८.८ प्रतिशत रहेको छ ।
यी अफरहशरू भदौ ३१ गतेसम्म मात्रै लागू हुने बैंकले जनाएको छ ।
बैंकले हाल देशका ७ वटै प्रदेशमा १६५ वटा शाखा, १२ वटा एक्सटेन्सन काउन्टर, १११ शाखारहित बैंकिङ सेवा, २०० वटा एटीएम मार्फत १५ लाख भन्दा बढी ग्राहकलाई बैंकिङ सेवा प्रदान गर्दै आएको छ ।
