काठमाडौं । थाइल्यान्डमा यही भदौ १८ र १९ मा हुने भनिएको छैटौँ बिमस्टेक शिखर सम्मेलन तत्कालका लागि पछि सरेको छ ।
थाइल्यान्डको विदेश मन्त्रालयले सम्बन्धित मुलुकहरूलाई पत्राचार गर्दै हालका लागि शिखर सम्मेलन गर्न नसक्ने जानकारी गराएको हो ।
थाइल्यान्डमा भएको नयाँ राजनीतिक उतारचढापपछि बिमस्टेक शिखर सम्मेलन सरेको हो । नयाँ सरकार गठन भएसँगै आवश्यक संसदीय प्रतिक्रिया र कानुनी प्रक्रियाहरूले गर्दा समयमै बिमस्टेक शिखर सम्मेलन गर्न नसक्ने थाइल्याण्डको विदेश मन्त्रालयले जनाएको छ ।
शिखर सम्मेलनको नयाँ मिति भने फेरि सबै सदस्य मुलुकहरूसँग छलफल गरेर तय गरिने विदेश मनत्रालयले जनाएको छ ।
न् १९९७ मा स्थापना भएको बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेकमा) नेपालसहित बंगलादेश, भुटान, भारत, म्यानमार, श्रीलंका र थाइल्यान्ड सदस्य छन् । नेपाल सन् २००४ मा सदस्य बनेको थियो ।
सम्मेलन स्थगित भएसँगै प्रधानमन्त्री केपी शर्मा ओलीको भ्रमण पनि रोकिने भएको छ ।
