काठमाडौं । नेपाल वायुसेवा निगमको न्यारोवडी (9N-AKW) जहाज मर्मतपछि भोलिबाट उड्ने भएको छ ।
गत ८ गते बेलुकीदेखि प्राविधिक समस्या आएर ग्राउण्डेड भएको उक्त जहाज भोलिबाट उड्ने निगमले जानकारी दिएको हो ।
उक्त जहाजकाे मर्मत कार्य भइरहेको निगमले विज्ञप्तिमा उल्लेख छ । उक्त जहाजमा आवश्यक स्पेयर पार्टस् अमेरिकाको मियामीबाट झिकाउनुपर्ने भएकोले भोलि बिहानसम्म आइपुग्ने र मर्मत पश्चात ११ बजेपछि नियमित उडानमा पठाउने निगमले जनाएको छ ।
