कृषि उपज भण्डारणका लागि १० काेल्ड स्टोर बनाउँदै कृषि मन्त्रालय

काठमाडौं । कृषि तथा पशुपन्छी मन्त्रालयले आगामी वर्ष १० वटा खाद्य काेल्ड स्टोर निर्माण गर्ने भएको छ । कृषि उपज भण्डारण सेवा विस्तार गर्ने लक्ष्यका साथ सो योजना अघि सारिएको हो । आगामी वर्ष १० वटा कोल्ड स्टोर निर्माण र ४ वटा कृषि उपज भण्डारण घर निर्माण गर्ने कार्यक्रम प्रस्ताव गरिएको कृषिमन्त्री चक्रपाणी खनालले आज प्रतिनीधि सभामा बोल्दै बताएका हुन् ।

 

यस्तै मन्त्री खनालले कृषि अनुदान प्रवाहलाई थप प्रभावकारी बनाउन आगामी आर्थिक वर्षदेखि बैङ्किक प्रणाली मार्फत अनुदान वितरण गर्ने योजना ल्याएका छन् । आ.व. २०७५/७६ मा उखु प्रतिक्वीटल ६५.२८ रुपैयाँ अनुदान उखु किसानहरुलाई दिइदै आएकोमा आउदो आर्थिक वर्षका लागि १ अर्ब बजेट अनुदान छुट्याइएको मन्त्रालयले जानकारी दिएको छ ।

 

आगामी आवमा कृषि बाली बिमा तर्फ ९ करोड र पशुपन्छी बिमा तर्फ ३२ करोड विनियोजन गरिएको छ । यस कार्यक्रम मार्फत ७५ हजार कृषक लाभान्वित हुने अनुमान गरिएको छ । किसानलाई रासायनिक मल अनुदानमा उपलब्ध गराउनका लागि ९ अर्व बजेट छुट्याइएको छ । मल आपुर्ति तथा वितरणमा सहजताको लागि २० हजार मेट्रीक टन क्षमताको गोदाम घर निर्माणका लागि बजेट विनियोजन भएको छ ।

 

बिरगञ्ज १० हजार मेट्रिक टन, बिराटनगरमा छ हजार मेट्रिक टन र भैरहवामा छ हजार मेट्रिक टन क्षमताको गोदाम बनाइने योजना रहेकोे छ । साथै मलको प्रभावकारी प्रयोगको लागि मल ब्लेन्डिङ्ग कारखाना स्थापनामा समेत बजेट विनियोजन गरिएको छ ।

टाटा टियागो एक्सजेड प्लस नेपालमा सार्वजनिक Read Previous

टाटा टियागो एक्सजेड प्लस नेपालमा सार्वजनिक

अब ईसेवा मार्फत एनआईसी एसिया क्यापिटलकाे नविकरण शुल्क बुझाउन सकिने Read Next

अब ईसेवा मार्फत एनआईसी एसिया क्यापिटलकाे नविकरण शुल्क बुझाउन सकिने