काठमाडौं । नेपाल उद्योग वाणिज्य महासंघ कोशी र भारतको विहार इण्डष्ट्रिज एशोसिएशन पटना बीच भगिनी सम्बन्ध कायम भएको छ ।
महासंघका अध्यक्ष राजेन्द्र राउत र एशोसिएशनका अध्यक्ष केपीएस केसरी बीच विहारको राजधानी पटनामा भगिनी सम्बन्ध स्थापित भएको हो ।
विहारको आर्थिक विकासमा महत्वपूर्ण योगदान र्पुयाउने विहार इण्डष्ट्रिज एशोसिएशन पटना र महासंघ कोशी बीचको सम्बन्धले दुईपक्षीय व्यापारलाई अभिवृद्धि गर्नुका साथै लगानीको प्रवद्र्धन समेत हुने विश्वास अध्यक्ष राउतले गरेका छन् ।
महासंघ कोशीले प्रदेशमा उद्योग व्यवसायमैत्री वातावरण निर्माणका लागि पैरवी गर्नुका साथै कृषि क्षेत्रको रूपान्तरणको लागि विभिन्न अभियानहरू संचालन गर्दै आएको छ ।
आगामी भदौ २७ देखि ३० गतेसम्म महासंघले कृषि एस्क्पो आयोजना गर्दैछ ।
