धनगढी । कजारिया रमेश टायल्स लिमिटेडको धनगढीमा ग्यालेक्सी शोरुम संचालनमा आएको छ । उक्त शोरुम राठी इन्टरप्राइजेजले संचालनमा ल्याएको हो ।
धनगढीको मुख्य सडकमा अवस्थित २५०० वर्ग मिटरको अत्याधुनिक शोरुम पश्चिम नेपालमा सबैभन्दा ठूलो टायल्स शोरुम हो । यहाँ कजारिया रमेश टायल्सद्धारा उत्पादित आधुनिक डिजाइनका टायल्सहरू उपलब्ध हुनेछ ।
यस शोरुमले स्थानीय अर्थतन्त्रमा ठूलो प्रभाव पार्ने र रोजगारीका नयाँ अवसरहरू सिर्जना गर्नुका साथै समग्र विकासमा योगदान पुर्याउने कम्पनीको अपेक्षा छ ।
कजारिया रमेश टायल्स लिमिटेडका निर्देशक हिमांशु अग्रवालले ग्राहकलाई उच्चतम गुणस्तरका टायलहरू उपलब्ध गराउने प्रतिबद्धता व्यक्त गरे ।
‘राठी इन्टरप्राइजेजद्वारा सञ्चालित धनगढीमा कजारिया ग्यालेक्सी शोरुमको उद्घाटन पश्चिम नेपालका ग्राहकहरूलाई उच्चतम गुणस्तरका टायलहरू उपलब्ध गराउने प्रतिवद्धताको प्रमाण हो। यस शोरुमले हाम्रो उत्कृष्टता प्रतिको समर्पण र टायल किनमेलको अनुभवलाई पुनस् परिभाषित गर्ने हाम्रो दृष्टिकोणलाई प्रतिबिम्बित गर्दछ,’ उनले भने ।
कजारिया रमेश टायल्स नेपालको एक प्रमुख व्यापारिक समूह रमेश कर्प र भारतको नम्बर १ टायल कम्पनी कजारिया सिरामिक्स लिमिटेड बीचको संयुक्त उत्पादन हो । कम्पनीले नेपालभर डिजिटल भिट्रिफाइड ग्लेज्ड टाइल्सहरू बिक्री गर्छ।
