काठमाडौं । नयाँ बानेश्वर चोकबाट शंखमूल जाने सडकमा भ्वाङ परेको छ । नयाँबानेश्वर चोकबाट करिब १०० मिटर पर बानेश्वर मल अगाडिको मुख्य सडक भासिएको हो ।
अहिले त्यहाँ भ्वाङ टाल्न काठमाडौं महानगरको डोजर ल्याइएको छ । पछिल्लो समय काठमाडौैं उपत्यकामा सडक भासिने क्रम बढेको छ ।
दुई साता अघि दरबारमार्गबाट कमलादीतर्फ आउने सडकमा टुकुचा खोला माथिको सडक भासिएको थियो । त्यस्तै, गत साता इमाडोलमा भित्रि सडक भासिएको थियो ।
