काठमाडौं । सेयर बजारमा तीव्र गिरावट आएको छ । मंगलबार नेप्से परिसूचक इन्ट्रा डे (पौने २ बजेसम्म)मा ११७ अंकले २६७९.७२ बिन्दुसम्म आएको छ ।
गत असार १७ गतेदेखि लगातार ८०० अंकले बढेको नेप्सेमा आज उच्च अंकको करेक्सन आएको हो । १ महिना लगातार बढेको नेप्सेमा प्रफिट बुक गर्ने हाबी हुँदा ठूलो करेक्सन आएको हो ।
फाइनान्स समूहको परिसूचक ८ प्रतिशतभन्दा धेरैले घटेको छ । त्यस्तै, बैंकिङ, हाइड्रोपावर, होटल समूहको परिसूचकमा पनि भारी गिरावट आएको छ ।
आज पौने २ बजेसम्म १६ अर्ब बढीको कारोबार भएको छ ।
