काठमाडौं । त्रिभुवन अन्तर्राष्ट्रिय विमानस्थलबाट पोखरा उडेको बुद्ध एयरको जहाज बीचबाटै काठमाडौं फर्काइएको छ ।
पोखरा उडेको उडान नं ६५५ कल साइन ९ एन-एएमडी जहाजमा प्राविधिक समस्या देखिएपछि बीचबाटै काठमाडैं फर्काइएकाे हो । उक्त जहाज सुरक्षित रूपमा अवतरण गरिसकेको छ ।
उक्त जहाजको इन्डिकेटरमा समस्याको संकेत देखिएपछि तुरुन्तै काठमाडौं फकाईएको हो । अहिले प्राविधिकहरूले जहाजको जाँच गरिरहेका छन् ।
उक्त जहाजका यात्रुलाई अर्को जहाजबाट पोखरा पठाइएको बुद्ध एयरले जनाएको छ ।
