काठमाडौं । वर्षायामसँगै पर्यटन क्षेत्रमा अफ सिजन लागेको छ । सन् २०२४ को जुलाइमा यस वर्षकै कम पर्यटक नेपाल भ्रमणमा आएका छन् ।
नेपाल पर्यटन बोर्डका अनुसार ६४ हजार ५९९ पर्यटक नेपाल आएका छन् । यो सन् २०२४ को कुनै पनि महिना आएको पर्यटकको सबैभन्दा कम संख्या हो ।
यद्यपि, २०२३ को तुलनामा भने ११.९० प्रतिशतले धेरै हो । अघिल्लो वर्ष जुलाइमा ५७ हजार ७२६ पर्यटक नेपाल आएका थिए ।
जुलाइमा भारतबाट सबैभन्दा २१ हजार ४९१ पर्यटक नेपाल आएका छन् । यस्तै, यो महिना ८ हजार ८६८ अमेरिकी पर्यटक आएका छन् ।
जुलाइमा तेस्रो धेरै पर्यटक चीनबाट ६ हजार ८१९ जना नेपाल भ्रमणमा आएका छन् भने बंगलादेशबाट ३ हजार ४७० जना आएका छन् ।
सन् २०२४ को ७ महिनामा कुल ६ लाख ४७ हजार ६१५ पर्यटक नेपाल आएका छन् ।
