काठमाडौं । ग्लोबल आइएमई बैंक लिमिटेडले ५ अर्ब रुपैयाँ बराबरको ऋणपत्र निष्काशन गर्न बिक्री प्रबन्धकमा लक्ष्मी क्यापिटललाई नियुक्त गरेको छ ।
सम्झौतापत्रमा बैंकतर्फबाट प्रमुख कार्यकारी अधिकृत रत्नराज बज्राचार्य र क्यापिटलको तर्फबाट प्रमुख कार्यकारी अधिकृत विजयलाल श्रेष्ठले हस्ताक्षर गरे ।
बैंकले ‘८% ग्लोबल आइएमई बैंक ऋणपत्र २०९१/९२’ नामको ऋणपत्र जारी गर्न लागेको हो । बैंकले प्रतिइकाई १ हजार रुपैयाँका दरले ५० लाख इकाई ऋणपत्र बिक्री गर्ने भएको हो । ।
जसमध्ये ६० प्रतिशत (३० लाख इकाई) बैंकले व्यक्तिगत तवरले बिक्री गर्नेछ भने ४० प्रतिशत (२० लाख इकाई) सर्वसाधारणका लागि छुट्याइएको छ
१० वर्ष अवधिको उक्त ऋणपत्रमा वार्षिक ८ प्रतिशतका दरले ब्याज पाइने छ । यसको भुक्तानी अर्धवार्षिक रुपले ६/६ महिनाको अवधिमा हुनेछ ।
