काठमाडौं । आँखुखोला जलविद्युत् कम्पनीको १५० प्रतिशत हकप्रद सुरक्षित गर्ने आज अन्तिम दिन रहेको छ ।
कम्पनीले हकप्रद प्रयोजनका लागि भोलि (साउन १ गते) बुकक्लोज मिति तोकेको छ । सो अनुसार आजसम्म कायम रहने सेयरधनीले कम्पनीको हकप्रदमा आवेदन दिन पाउने छन् ।
कम्पनीले प्रतिकित्ता १०० रुपैयाँँ दरले १ अर्ब २० करोड रुपैयाँ बराबरको १ करोड २० लाख कित्ता हकप्रद सेयर निष्काशन गर्ने भएको हो ।
कम्पनीले नयाँ आयोजना र बैंकको ऋण तिर्न हकप्रद जारी गर्न लागेको हो ।
हाल ८० करोड चुक्ता पूँजी रहेको कम्पनीको हकप्रदपछि २ अर्ब रुपैयाँ पुग्नेछ ।
