काठमाडौं । लक्ष्मी सनराइज बैंकको झण्डै ८३ लाख कित्ता संस्थापक (प्रमोटर) सेयर लिलामीमा आएको छ ।
बैंकका संस्थापक सेयरधनीको नाममा रहेको ८२ लाख ९७ हजार ५६५ कित्ता संस्थापक सेयर लिलामीमा ल्याएको हो ।
उक्त सेयरमा हाललाई बैंकका विद्यमान संस्थापक सेयरधनीले मात्रै आवेदन दिन पाउने छन् । संस्थापक सेयरधनीले नकिनेमा दोस्रो चरणमा सर्वसाधरणका लागि बिक्रीमा ल्याइने बैंकले जनाएको छ ।
बैंकको सेयर किन्न इच्छुक लगानीकर्ताले आफूले लिन चाहेको सेयर संख्या र मूल्य स्पष्ट खुलाई गोप्य शिलबन्दी मार्फत आवेदन दिनु पर्नेछ ।
बिक्री मूल्य भने खुलाइएको छैन । इच्छुक लगानीकर्ताले आजको ३५ दिन भित्र बैंकको मुख्य कार्यालय, हात्तीसार, काठमाडौंमा आवेदन दिनुपर्नेछ ।
