काठमाडौं । आज राति नेपाल टेलिकमको ब्यालेन्स रिचार्ज सेवा प्रभावित हुने भएको छ ।
बिलिङ प्रणाली स्तरोन्नति परीक्षण हुने भएकाले आज राति ११ बजेदेखि भोलि बिहान ६ बजेसम्म ब्यालेन्स रिचार्ज, प्याकेज खरिद, सोधपुछ सेवा प्रभावित हुन सक्ने टेलिकमले जनाएको छ ।
उक्त समयभन्दा अगाडि नै आवश्यक पर्ने ब्यालेन्स रिचार्ज तथा प्याकेज खरिद गर्न टेलिकमले ग्राहकहरूलाई अनुरोध गरेको छ ।
मोबाइल भ्वाइस, डाटा, एसएमएस तथा एफटीटीएच भ्वाइस, डाटा, आइपीटीभी आदि सेवाहरू भने यथावत संचालन हुने टेलिकमले जनाएको छ ।
