नागरिक लगानी कोषको लाभांश पाउन सेयर किन्ने आज अन्तिम दिन

काठमाडौं । नागरिक लगानी कोषले गत आर्थिक वर्ष २०७९/८० को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।

कम्पनीले साधरण सभा तथा लाभांश प्रयोजनका लागि भोलि (असार २० गते) बुकक्लोज मिति तोकेको छ । सो अनुसार आजसम्म कायम रहने सेयरधनीले प्रस्तावित लाभांश पाउने छन् ।

कम्पनीले गत वर्षको नाफाबाट  १४ प्रतिशत बोनस सेयर र ०.७३ प्रतिशत नगद गरी कुल १४.७३ प्रतिशत लाभांश प्रस्ताव गरेको छ ।

उक्त लाभांश पारित गर्न कम्पनीले असार ३१ गते २९औं वार्षिक साधरण सभा बोलाएको हो । कम्पनीको सभा त्रिभुवन आर्मी अफिसर्स क्लब, भद्रकाली, काठमाडौंमा बिहान ९ बजे सुरु हुनेछ ।

कम्पनीले सभामा लाभां पारितसँगै गत आर्थिक वर्ष २०७९/८० को वार्षिक प्रतिवेदन, नाफा-नोक्सान हिसाब पारित गर्ने, आर्थिक वर्ष २०८०/८१ का लागि लेखापरीक्षक नियुक्ति गर्ने, निजको पारिश्रमिक निर्धारण गर्ने लगायत एजेन्डा लैजाने भएको छ ।

नक्कली भुटानी शरणार्थी प्रकरणमा प्रतीक थापालाई थुनामा पठाउन आदेश Read Previous

नक्कली भुटानी शरणार्थी प्रकरणमा प्रतीक थापालाई थुनामा पठाउन आदेश

रिलायन्स स्पिनिङ मिल्सले असार २७ गतेदेखि आइपीओ जारी गर्ने, भर्न ४१ हजार चाहिने Read Next

रिलायन्स स्पिनिङ मिल्सले असार २७ गतेदेखि आइपीओ जारी गर्ने, भर्न ४१ हजार चाहिने