काठमाडौं । सहकारीको रकम दुरुपयोग बारे छानबिन गर्न बनेको संसदीय समितिले राजनीतिक दलहरूबाट सुझाव लिने भएको छ ।
समितिको मंगलबार बसेको बैठकले सहकारीका समस्या समाधानका लागि राष्ट्रिय दलको मान्यता पाएका दलहरूबाट सुझाव माग्ने निर्णय गरेको हो ।
समितिले प्रतिनिधि सभामा प्रतिनिधित्व गर्ने राष्ट्रिय मान्यताप्राप्त राजनीतिक दलहरूबाट समस्या समाधानका लागि लिखित रूपमा सुझाव उपलब्ध गराउन पत्राचार गर्ने निर्णय गरेको हो ।
आजको बैठकले राष्ट्रिय सहकारी महासंघ, केन्द्रीय सहकारी संघ र राष्ट्रिय सहकारी बैंक लिमिटेडका पदाधिकारीसँग पनि छलफल गरेको छ ।
समितिले यसअघि दुई चरणमा विभिन्न २७ सहकारीको कागजात मगाउने निर्णय गरेको थियो ।
