काठमाडौं । एनआइसी एशिया बैंकले उपत्यकामा एकैसाथ दुई नयाँ शाखा संचालनमा ल्याएको छ ।
बैंकले ललितपुर महानगरपालिका वडा नं १२, टंगाल पाटन स्थित मंगलबजार शाखा र काठमाडौं महानगरपालिका वडा नं १, दरबारमार्गमा आइतबारदेखि शाखा सञ्चालनमा ल्याएको हो ।
मंगलबजार शाखाको समुद्घाटन सोही वडाका वडा अध्यक्ष नारायण लाल अवाले र दरबारमार्ग शाखाको समुद्घाटन बैंकको उप–प्रादेशिक कार्यालय काठमाडौँका प्रमुख तेज राज तिमिल्सिनाले गरे ।
यी दुई नयाँ शाखा सञ्चालनमा आएसँगै ललितपुर र काठमाडौं क्षेत्रका ग्राहकलाई बैंकको सेवा प्राप्त गर्न थप सहज हुने विश्वास बैंकले लिएको छ ।
हाल बैंकले देशभरका ३११ शाखा कार्यालयहरु, ४०३ एटीएम, ९५ वटा एक्स्टेन्सन काउण्टर एवं ४४ वटा शाखारहित बैंकिङ्गमार्फत् बैंकिङ्ग सेवा प्रदान गर्दै आएको छ ।
