काठमाडौं । कुमारी बैंकको झण्डै १४ लाख कित्ता संस्थापक (प्रमोटर) सेयर बिक्रीमा आएको छ । बैंकले विद्यमान संस्थापक सेयरधनी वीरेन्द्र कुमार साहको नाममा रहेको १३ लाख ८७ हजार २५८ कित्ता सेयर लिलामीमा ल्याएको हो ।
उक्त सेयरमा हाललाई बैंकका विद्यमान संस्थापक सेयरधनीले आवेदन दिन सक्नेछन् । पहिलो चरणमा नबिकेमा दोस्रो चरणमा कुनै पनि संस्था वा व्यक्तिका लागि खुला गरिने छ ।
लगानीकर्ताले आफूले लिन चाहेको सेयर संख्या र मूल्य स्पष्ट खुलाई गोप्य शिलबन्दी मार्फत आवेदन दिनु पर्नेछ । मूल्य भने बिक्रेताले तोके बमोजिम हुने जनाइएको छ ।
बैंकको सेयर खरिद गर्न इच्छुक लगानीकर्ताले आजको ३५ दिन भित्र कुमारी क्यापिटल नक्साल, काठमाडौंमा आवेदन दिनुपर्नेछ ।
