काठमाडौं । सरकारी स्वामित्वको नेपाल बैंक लिमिटेडले बैंकबाट कर्जा लिएका ग्राहकका लागि छुट सुविधा ल्याएको छ ।
बैंकले कर्जा उपभोग गरी २०७५ चैतमसान्त अघि खराब वर्गमा वर्गीकरण भएका बक्यौता साँवा ५० लाख रुपैयाँसम्म रहेका ग्राहकले यही असार मसान्त भित्र ऋण तिरेमा छुट पाउने भएका हुन् ।
बैंकका अनुसार उल्लेखित ऋणीले २०७६ वैशाखदेखि हालसम्मका कर्जा ग्राहकहरूले कर्जाको बुझाउनुपर्ने सम्पूर्ण सावाँ, ब्याज बुझाई कर्जा चुक्ता वा नियमित गरेमा पेनाल ब्याज र ब्याजको ब्याजमा सम्पूर्ण छुट दिई साधारण ब्याज रकममा समेत ५ प्रतिशत छुट पाउने छन् ।
यो छुट योजना यही असार मसान्तसम्म लागू हुने बैंकले जनाएको छ । यसमा शर्त तथा बन्देजहरू लागू हुने बैंकले स्पष्ट पारेको छ ।
