कुश्मा । प्रभु बैंकका ग्राहकले पर्वतको सदरमुकाम कुश्मामा अवस्थित हार्नेस जिपलाइनमा विशेष छुट सम्बन्धी सम्झौता भएको छ ।
सम्झौतापत्रमा हार्नेस जिपलाइनका तर्फबाट प्रबन्ध निर्देशक शुनिल थापा र बैंकका तर्फबाट अधिकृत–गण्डकी प्रदेश राजु राना मगरले हस्ताक्षर गरेका हुन् ।
सम्झौता अनुसार प्रभु बैंकका ग्राहक तथा कर्मचारीहरूले बैंकको डेबिड÷क्रेडीट कार्डमार्फत बिल भुक्तानी गर्दा हार्नेस जिपलाइनमा जिपलाइन, जाइन्ट स्वीङ, कालिगण्डकीमा र्याफ्टिङ लगायत सेवामा १० प्रतिशत छुट पाउने छन् ।
त्स्तै, बैंकका ग्राहकले लमजुङको बेँसीसहरस्थित गेट वे हिमालय रिसोर्टमा पनि विशेष छुट पाउने भएका छन् । उक्त रिसोर्टमा बैंकका कर्मचारी तथा ग्राहकले आवासमा २० प्रतिशत, खाना र मनोरञ्जन लगायतका सेवाहरूमा १० प्रतिशत छुट पाउने छन् ।
प्रभु बैंक हालै ‘बैंक अफ द इयर २०२३’ र फिनाकल इन्फोसिस इनोभेसन गोल्ड–२०२४ अवार्डबाट सम्मानित भएको छ ।
बैंकले देशभरका ३०२ शाखा कार्यालयहरू, २८५ एटीएम साथै ७० एक्सटेन्सन काउन्टर मार्फत करिब ३१ लाख भन्दा बढी ग्राहकलाई अत्याधुनिक बैंकिङ सुविधा प्रदान गर्दै आएको छ ।
