काठमाडौं । सरकारले मेलम्ची खानेपानी आयोजनालाई ५० करोड रुपैयाँ बजेट विनियोजन गरेको छ । आर्थिक वर्ष २०८१र०८२ को बजेट प्रस्तुत गर्दै अर्थमन्त्री वर्षमान पुनले सन् २०३० सम्ममा सबैमा स्वच्छ खानेपानीको पहुँच पुर्याइने घोषणा गरेका हुन् ।
मन्त्री पुनले सुन्दरीजलको पानी प्रशोधन केन्द्रको क्षमता विस्तार गरिने भन्दै बजेटमा मेलम्ची खानेपानी आयोजनाले काठमाडौं उपत्यकामा थप ६४५ किलोमिटर पाइप विच्छाएर विस्तार गरिने मन्त्री पुनले घोषणा गरे ।
साथै, काठमाडौंमा बाह्रै महिना पानी आउने व्यवस्था मिलाउन मेलम्ची खानेपानी आयोजनाको इन्टेक सार्ने उनले बताए ।
निर्माणाधीन हेडवर्क्स बगाएपछि अलपत्र परेको छ । हिउँदमा मात्रै काठमाडौं पानी ल्याउने गरिएको छ ।
स्वयम्भु, ताहाचाल, मण्डिकाटार, चाबहिललगायतका स्थानमा विछ्याइएको ६४५ किलोमिटर पाइप परीक्षण गरेर वितरण गर्ने योजना रहेको पुनले बताए । चक्रपथ बाहिर समेत पाइपलाइन विस्तार गर्ने योजना छ ।
