काठमाडौं । नेपाली बजारमा सुनको मूल्य आज तोलामा १हजार २०० रुपैयाँले ओरालो लागेको छ ।
नेपाल सुनचाँदी व्यवसायी महासङ्घका अनुसार छापावाला सुन सोमबार कीर्तिमानी प्रतितोला १ लाख ४१ हजार ८०० रुपैयाँमा कारोबार भएकामा आज घटेर १ लाख ४० हजार ६०० रुपैयाँमा झरेको छ ।
यस्तै, तेजाबी सुन सोमबार तोलामा १ लाख ४१ हजार १०० रुपैयाँमा कारोबार भएकामा आजका लागि १ लाख ३९ हजार ९०० रुपैयाँ निर्धारण गरिएको महासङ्घले जनाएको छ ।
चाँदीको मूल्य पनि तोलामा ५५ रुपैयाँले घटेको छ । सोमबार प्रतितोला १ हजार ९४० रुपैयाँमा कारोबार भएकामा आज चाँदीको मूल्य १ हजार ८८५ रुपैयाँ छ ।
