काठमाडौं । कुमारी बैंकले बिना धितो मोबाइलबाटै २ लाख रुपैयाँसम्म ऋण दिने भएको छ ।
बैंकले क्यूआर कोडबाट कारोबार गर्ने क्यूआर मर्चेन्टहरूलाई मोबाइल बैकिङ एप मार्फत २ लाख रुपैयाँसम्मको कर्जा दिन फोन लोन सुविधा संचालनमा ल्याएको हो ।
यसबाट विशेष गरी घरेलु, साना तथा मझौला उद्यमीहरूका वित्तिय कारोबारहरू डिजिटल माध्यममा आकर्षित गर्न तथा उद्यमीहरूका सानातिना वित्तिय आवश्यकताहरू परिपूर्ति हुँदा वित्तीय पहुँच समेतमा विस्तार हुने बैंकले अपेक्षा लिएको छ ।
कुमारीले हाल देशभरका ३०२ शाखा सञ्जाल, ३१४ एटीएम, ४९ एक्सटेन्सन काउन्टर तथा ५९ शाखा रहित बैंकिङ ईकाइहरू मार्फत आफ्ना ग्राहकलाई अत्याधुनिक बैंकिङ सुविधा प्रदान गर्दै आएको छ ।
साथै, आगामी दिनहरूमा पनि अझ सरल, सुलभ तथा उत्कृष्ट सेवाका निमित्त सहकार्यहरू गर्दै जाने बैंकले प्रतिबद्धता जनाएको छ ।
