काठमाडौं । आइएमई जनरल इन्स्योरेन्स ‘एशियाज मोस्ट ट्रष्टेड कम्पनी अवार्ड २०१९’ बाट सम्मानित भएको छ ।
थाइल्याण्डको बैंककमा आयोजित कार्यक्रममा अमेरिकाको इन्टरनेशनल ब्रान्ड कन्सल्टीङ कर्पोरेशन (आइबीसी) ले उक्त अवार्ड प्रदान गरेको हो । एशियाका विभिन्न देशहरुबाट १ सयभन्दा बढी संस्थाहरुको प्रमुख तथा प्रतिनिधिहरु सहभागिता रहेको थिए ।
सो कार्यक्रममा कम्पनीका संचालक समितिका अध्यक्ष हेमराज ढकाल तथा प्रमुख कार्यकारी अधिकृत युगेशभक्त बादे श्रेष्ठले सम्मान ग्रहण गरेका थिए ।
अध्यक्ष ढकालले यस सम्मानबाट हामीलाई थप हौसला प्राप्त भएको र आगामी दिनमा सवै क्षेत्रबाट सदा झैं सहयोग प्राप्त भई नेपालको निर्जीवन बीमा क्षेत्रमा एक अग्रणी बीमा कम्पनीको रुपमा ले अगाडी बढ्ने प्रतिवद्धता व्यक्त गरे ।
