काठमाडौं । सेयर बजारमा लगातार दोस्रो दिन सुधार आएको छ । बिहीबार ५ अंकले बढेको नेप्से आज ८ अंकले बढेको हो ।
आइतबार नेप्से परिसूचक ८.२६ अंकले बढेर १९७४.५० विन्दुमा पुगेको छ । यसदिन ३११ कम्पनीको ३ अर्ब १५ करोड रुपैयाँ बढीको ७८ लाख ५७ हजार ३१ कित्ता सेयर किनबेच भएको छ ।
आज कारोबारमा आएका १३ वटा समूहमध्ये १० समूहको परिसूचक बढेको छ भने ३ समूहको घटेको छ । निर्जीवन बीमा समूहको परिसूचक सर्वाधिक २.६४ प्रतिशतले बढेको छ ।
बीमा कम्पनीहरुले आकर्षक वित्तीय विवरण सार्वजनिक गरेसँगै लगानीकर्ता यस क्षेत्रमा आकर्षित भएका छन् ।
आज सांग्रिला डेभलपमेन्ट बैंकको सर्वाधिक कारोबार भएको छ । यसको १० करोड ५० लाख रुपैयाँ बढीको ३ लाख २८ हजार ४१८ कित्ता सेयर किनबेच भएको छ ।
आज १२७ कम्पनीको सेयर मूल्य बढेको छ भने १११ कम्पनीको घटेको छ । आज श्रृजनशील लघुवित्तको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
