काठमाडौं । गत सातादेखि उकालो यात्रा सुरु गरेको सेयर बजारले आफ्नो यात्रा कायमै राखेको छ । गत मंगलबारदेखि हरियाली छाएको बजारमा आज छैठौं दिनपनि लगातार बढेको छ ।
६ दिनमा बजार सूचक करिब ४० अंकले पढेको छ भने कारोबार रकममा पनि दिनदिनै बढोत्तरी आएको छ ।
सेयर बजार मापक सूचक नेप्से आज पनि २.४८ विन्दुले बढेर ११५१.३६ विन्दुमा पुगेको हो । यस्तै सेन्सेटिभ परिसूचक ०.३३ विन्दुले बढेर २५३.५० मा पुगेको छ ।
नेप्सेमा सुधार देखिँदा त्यसको प्रभाव कारोबार रकममा समेत परेको छ । कूल १७० कम्पनीको १६ लाख ६१ हजार ८२८ कित्ता शेयर ५० करोड तीन लाख २८ हजार ९१५ रुपैयाँमा खरीद बिक्री भए ।
कारोबार भएका कूल १२ उपसमूह मध्ये आज चार उपसमूहको शेयर घटेको छ भने आठ उपसमूहको शेयर बढेको छ । जलविद्युत् ४.५२, निर्जीवन बीमा २.९५, उत्पादन ८.५७ र अन्य ११.२३ विन्दुले घटेका छन् ।
यस्तै बैंकिङ ७.०९, व्यापार २३.७६, होटल २८.१८, विकास बैंक १.९२, वित्त ०.४७, लघुवित्त १.८८, जीवन बीमा ९.१४ र सामूहिक लगानी कोष ०.०१ विन्दुले बढेको छ ।
कारोबारका आधारमा आज माछापुच्छ्रे« बैंक शीर्ष स्थानमा रहेको छ । सो बैंकको ७ करोड ५३ लाख २७ हजार ९२० रुपैयाँ बराबरको शेयर कारोबार भएको छ ।
आज दुई कम्पनीको सेयर मूल्यमा पोजेटिभ सर्किट लागेको छ । नयाँ नेपाल लघुवित्त विकास बैंकको मूल्य ९.९१, र सर्पोट माइक्रोफाइनान्स वित्तीय संस्थाको सेयर मूल्य ९.७६ प्रतिशतले बढेको छ । आज अरुण काबेली पावरको सेयर मूल्य सबैभन्दा धेरै ४.०९ प्रतिशतले घटेको छ ।
