काठमाडौं । सेयर बजारमा दोहोरो अंकको वृद्धि भएको छ । । गत साता लगातार ६५ अंकले घटेको नेप्से यससाता पहिलो दिन १२ अंकले बढेको हो । नयाँ वर्ष २०८१ लागेदेखि नेप्से आज पहिलोपटक बढेको हो ।
आइतबार नेप्से परिसूचक १२.२९ अंकले बढेर १९८४.४३ बिन्दुमा पुगेको छ । यसदिन ३१० कम्पनीको २ अर्ब २५ करोड रुपैयाँ बढीको ६३ लाख ९३ हजार २४५ कित्ता सेयर किनबेच भएको छ ।
आज कारोबारमा आएका १३ वटा समूहमध्ये बैंकिङ र म्युचुअल फण्ड बाहेक अरु सबै समूहको परिसूचक बढेको छ । उत्पादनमूलक समूहको परिसूचक सर्वाधिक १.९० प्रतिशतले बढेको छ ।
आज गोर्खा फाइनान्सको सर्वाधिक कारोबार भएको छ । यसको १० करोड २१ लाख रुपैयाँ बराबरको १ लाख २९ हजार ३३६ कित्ता सेयर किनबेच भएको छ ।
बढ्दो बजारमा आज दोल्ती पावरको सेयर मूल्य सर्वाधिक ९.८८ प्रतिशतले बढेको छ । त्यस्तै, एनआइसी एशिया लघुवित्त, ८.४७ प्रतिशत, रुरु जलविद्युत् ८.१८ प्रतिशत, अपर हेवाखोला जलविद्युत्को सेयर मूल्य ७.२५ प्रतिशतले बढेको छ ।
भने पिपुल्स पावरका सेयरधनीले ७.४६ प्रतिशत गुमाएका छन् ।
